-
Scroll Page | Stop Scrolling
無綫開劇晝夜不分，藝人無覺好瞓「冧廠」時有聽聞，最新積勞成疾「病人」名單包括三十三歲的陳敏之。去年因長年拍劇操勞過度，自稱患上急性腎炎的她，實情是疑似患上免疫系統失調的紅斑狼瘡。 紅斑狼瘡近年在港肆虐，病人內臟會出現長期發炎，尤其腎臟，即使食藥可控制病情，但有關藥物有可能打擊肝臟健康，故近日陳敏之開始變得口腫面腫，懷疑肝臟已呈現藥物反應。 上週五（五月十八日），一臉病容的陳敏之獨自到公立醫院風濕科專科門診部覆診。正替補陳法拉位接拍《法網狙擊》的她，承認免疫系統出現問題，每隔兩個月便要返醫院覆診，住個腎。
腎功能受損
有「索腿天后」之稱的陳敏之，去年在劇集《怒火街頭》中飾演義氣鳳姐貞貞，為姊妹追「叫雞錢」在街上裸跑出晒位，勇奪去年無綫台慶頒獎禮最佳女配角。入行十三年，最初以小室哲哉徒弟之名闖樂壇，○一年加入無綫由低做起，捱了十一年，終於有收成。 上位在望，但與此同時，陳敏之身體健康亦響起警號。去年初拍攝《怒火街頭》時因跌斷鎖骨入院，原來當時已開始有輕微面腫的她，因長期小便唔多，證實患上腎炎，並蔓延到肺部，出現肺積水，當時其腎功能只得百分之三十，生命懸於一線。
發炎指數高
跟死神搏鬥一場，陳敏之雖然好得番，但腎病問題其實一直未斷尾，但為怕身體問題阻延上位機會，她決定報喜不報憂，將健康置諸不理。
「其實嗰次腎炎係因為免疫系統出問題，患上類似紅斑狼瘡嘅免疫系統疾病，個腎先會長期發炎，佢而家要長期食藥同驗血驗尿，睇住個腎嘅情況。但啲藥搞到佢身體好差，一曬太陽就會暈。」陳敏之身邊人說。
近日，陳敏之發現自己面腫及無尿屙的情況逐漸嚴重，終於知驚搵專科醫生求診，而驗血報告亦顯示，其肝酵素及身體發炎指數偏高，要密切留意病情。
公院覆診
上週五（十八日），陳敏之拎住大疊私家醫生的驗血及驗尿報告，到公立醫院風濕科專科門診部覆診，約見風濕科副顧問醫生。 當日早上十一時，身穿黑色外套及長褲，紮辮戴口罩包到冚的陳敏之，坐在病房外的長椅上，輪隊等候見醫生，坐在她對面的後生仔似乎認出她，攞起手機有所動作，陳敏之為怕被偷拍，不斷垂低頭把玩手機。 等了半個鐘，終於輪到自己睇症。據知，醫生睇完陳敏之的醫療報告後，認為情況未算嚴重，但要兩個月後再覆診，可繼續服用較早前到私家醫生睇症的藥物，無須額外加藥，故睇完醫生後，陳敏之便登上保母車離開。
做運動抗病
被 問到身體狀況出現問題，本週一（廿一日）下午到電視城為新劇《法網狙擊》開工的陳敏之驚青說：「你哋（指記者）唔好寫到我咁嚴重，我只係睇腎，唔係紅斑狼 瘡，我的確每兩個月要返去覆診，同埋我都有定期睇私家（醫生），係驚個腎再有問題啫，喺公立醫院睇係監察住個情況，醫生話我嘅報告好好，無乜嘢。」 至於是否要長期食藥，以及有關免疫系統受損情況，她說：「係，我免疫系統有啲問題影響個腎，不過而家情況好穩定，都唔多使食藥。同埋我呢排成日跑步做運 動，加上新劇拍攝時間唔係好長，唔使成日唔夠瞓，呢排身體好咗好多。」 陳敏之除了正視身體問題，亦加埋跑步做運動，務求有更強體魄，同病魔抗爭。
難斷尾
根據熟悉風濕科的顧問醫生解釋，風濕科的免疫系統疾病種類凡多，包括類風濕性關節炎、紅斑狼瘡、硬皮症、強直性脊柱炎等。如果自身免疫系統只集中攻打腎臟，病人大多數會患上紅斑狼瘡。「有啲紅斑狼瘡患者未必面上長有蝴蝶斑，可能只集中喺個腎度有問題。」 另一個可能性是自身免疫系統紊亂，令血管發炎，引致腎炎，但這類病例較為少見，亦較容易處理，反而紅斑狼瘡「手尾長」，難以根治。 ####
與其他病友一齊輪候，坐在她對面的後生仔見有明星不時眼望望，等了半個鐘姑娘開門叫陳敏之入診症室。
星
睇完症，她一個箭步衝落樓，打定電話call司機。
當日晚上她只須開工兩小時，睇完醫生便回家休息。
陳敏之攞住大疊醫療報告到公立醫院應診。
上週五，愁眉苦臉的陳敏之到公立醫院睇風濕科醫生，等候期間玩手機，把之前拍下的照片放上網，唱晒歌扮好心情。
11年面尖 一向下巴尖尖的陳敏之，近日出席活動，面頰明顯浮腫，陳敏之公立、私家醫生睇勻晒。
12年腫晒
週一在電視城接受訪問，陳敏之直認身體的免疫系統出現問題，但並非大件事，叫記者手下留情，唔好寫到佢咁病。
去年尾與陳法拉拍《東西攻略》期間，因日日趕劇無得休息，令陳敏之頻頻「冧廠」開唔到工。
出席新劇拜神活動，唔曬得，唯有擔住大遮擋太陽，個樣好辛苦。
跑步做運動改善體質，不過見光死的她要戴住超巨型太陽帽先敢跑，驚曬暈。
身體虛弱的她先排患上感冒，在微博上載病樣，大呻：「我快咳死！」
沒有留言:
張貼留言