《壹週刊》1159期 Edison世界末日 唔預Cammi

Scroll Page | Stop Scrolling

Tweet

Pin it

Widgets








同影相特別有緣嘅Edison陳冠希，宣布九月會喺台灣舉行一個以世界末日為主題嘅相片展，當年私藏淫照被公諸於世，Edison話冇諗過陰影問題，因為家陣個人私相簿入面，只會影貓影狗影天影雲，至於點解唔喺香港搞相展，Edison話因為冇人邀請喎！

其 實每年暑假，總有大班模排住隊剝衫影寫真，佢位舊相好Cammi謝芷蕙亦唔例外，先排仲去咗日本取景，上個禮拜二（五月十五日）就與同門師姐 Rainbow胡心諾，孖住去西貢再影。 烈日當空，一向好肉哋嘅Rainbow，曬到對眼戴咗大眼仔都擘唔大，加上唔敢亂食嘢，肚餓只可以食士多啤梨，反而十七歲Cammi話之你，歎雪糕降溫， 之後就坐喺樹底下一邊乘涼，一邊攞住盒Chanel粉盒補妝，但就一個不留神，將部iPhone跌落地，好在佢機警發現，萬一又唔見手機，又有親密相見街 就大件事，不過最慘係當日Cammi唔小心整損腳趾，傷到見晒血。 坦白講，若然Cammi全新寫真有本事請到舊愛Edison操刀，咁咪唔怕跌電話損手爛腳，喺屋企取景咪冇咁陰功囉。 ####

點解唔搵我影呀！（設計對白） 搞相展，就話自己係藝術家嘅Edison，作品會用菲林機拍攝，自己負責沖曬，保證影咩都唔怕外洩。

顧住同經理人傾偈兼補妝，Cammi成部iPhone跌落地，好在冇壞咋！

我隨傳隨到啦！（設計對白） 曬住影寫真，Cammi食雪糕降溫都冇用，一個唔小心整傷腳趾見晒血。