被指呃靚仔做男公關 Santino疑教學員免費召妓

被指呃靚仔做男公關
Santino疑教學員免費召妓

【盛女大追捕之魔鬼導師】無綫節目《盛女愛作戰》令五名盛女熱爆幕前，連同當中的兩性導師Santino都變新聞人物，他連日被翻舊帳，臭 史成籮。昨日Santino的舊同事Kino提供他去年授課的錄音聲帶，踢爆Santino不但教男學員北上尋歡Free Q絕技，向妓女埋手又食又拎，Kino指Santino還會挑選表現優秀男學員參加配對，他們冧女的同時做了男公關還懵然不知。

無 綫節目《盛女愛作戰》原意要帶出社會剩女問題，但當中邀請為五名盛女教路的45度角兩性導師Santino的醜聞卻越揭越臭，連日被起底，近日傳出 Santino去年跟Norris授課時，竟在課堂教學員北上尋歡。Santino的舊同事、戀愛解密的導師Kino和Instant昨日向本報記者力斥 Santino還教學員如何食免費餐，實行又食又拎，還提供他上堂的聲帶。男學員疑變相被擺上枱做男公關仍懵然不知，Santino最終漁人得利。
「得來非常容易」
Santino 去年5月參加《盛女》拍攝工作前，與Norris拍檔搞PUA HK，招募男學員教授媾女心得，事後二人因財反目，Santino近日因《盛女》人氣升，頻被爆大鑊。舊同事Kino不屑Santino涉嫌教學員北上召 妓吃免費餐，Kino昨在旺角現身時，向本報記者提供多段Santino去年授課的錄音聲帶，當中清楚聽到Santino和Norris在課堂中與學員分 享免費召妓心得，他們這些課程名為Hired Gun特別課，並帶男學員北上實戰，課程約為550元人民幣。
Santino除向學員分享自己的性經驗，重點是讓男學員掌握Free Q伎倆，Santino教路說：「十個男人，九個想呃條女Free Q上床，如果可以將目標定遠啲，點止出街、去佢度瞓，呢啲變得好容易，如果目標定得遠，佢哋仲畀番錢你，得來非常容易。」
Kino再爆Santino的學員如何變男公關過程，Kino昨在電話中說：「佢會搵出色學生sell過去speed dating，將佢哋介紹畀啲有錢女人。」Kino續說：「我不屑Santino將學生洗腦，所以我後來都離職。」Kino現在的拍檔Instant也嘲 笑Santino的45度言論：「佢嘅言論違反道德，係呢行嘅恥辱，我哋要同佢畫清界線，佢教人45度角同人交談，呢個姿勢令人覺得好假，全世界冇人會信 佢。」

否認教學員越軌
Santino昨否認曾傳授學員免費召妓招，他昨在電話中避談：「我絕對冇教人做呢啲嘢，任何關於法律嘅嘢都唔回應，我教人兩性關係係唔會越軌。」
採訪：葉雪　攝影：黃文偉

若讀者知道五位盛女的底細，歡迎電郵至mailto:adent@appledaily.com報料。

呃人伎倆：傳授誘騙方法
昨日本報獲得一段聲帶，是Santino和Norris去年在PUA HK授課時錄，Santino向學員講解如何向妓女埋手，由挑選妓女、至捉摸心態、到欺騙上床、甚至呃錢方法都詳細分析。 挑選妓女 Santino指曾在合宜大廈「插旗」：「唔話畀你哋知邊個，怕你哋傳出去，怕亂晒我啲計劃。」他指揀獵物不要揀流動性大及後生的：「後生籌唔到錢，冇心 工作，同埋善變，做完就走。做兩、三年嘅就要選擇，佢哋有香港居留權，佢哋喺香港先有得run（指計劃）。」 捉摸心態 Santino分析任何夜總會公關小姐都只得一種心態，就是求財：「佢哋分為long-term，mid-term同short-term，短線投資當然 係講緊一次性交易：長線投資就係啲女士上岸，呢個起碼20年投資，講緊係結埋婚，要分身家。mid-term就係令人沉船。」Santino教學員要針對 中線和長線埋手，當她們搵到錢時，自己也得益。 欣賞舞女 Santino教學員怎欣賞舞女，才可免費性服務：「你可以欣賞佢嘅眼睛，你啲香水咁特別，之後聞一聞佢條頸。佢會知道你想錫佢，你做咗呢樣嘢之後，你合 理化咗你個kiss pose，肯定唔使收你extra錢。」 免費住宿 聲帶提到Norris和Santino成功進駐富士山（富士大廈代稱），Santino講解如何達成目標：「喺上面開咗兩set（目標），將嗰set變成 自己嘅set，咁咪可以隨時上去同佢住囉，其實好簡單，大家都可以做到。」然後鼓勵大家召妓磨練pick-up技巧。

Santino的負面新聞越揭越臭，他被爆料指教男學員免費召妓招數。資料圖片

兩性導師Kino（左）和拍檔Instant異口同聲力斥Santino是全行恥辱。

Santino與Norris去年搞名為Hired Gun的課程。互聯網圖片