Kelly小龍包出籠

陳慧琳（Kelly）的神秘二公子劉琛（小龍包）樣貌終於曝光！昨日是小龍包農曆彌月之喜，Kelly趁機公開兒子的可愛面貌，小龍包集父母及哥哥 蝦餃仔的大成，下巴似哥哥，嘴仔似Kelly，樣貌似爸爸。自Kelly誕下細仔後，Kelly家中的「一盅兩件」馬上成為廣告商的囊中「點心」，並以八 位數字力邀Kelly三母子拍點心廣告。

陳慧琳上月21日誕下幼子小龍包，但一直沒有公開小龍包的廬山真面 目，Kelly趁昨日小龍包農曆滿月，發放了多張小龍包的可愛滿月照，同時四出大派千籠「小龍包」甜品慶祝，以蒸籠放了四個以蛋白製成的小籠包形狀甜品， 並掛上心意卡寫着「我已經一個月大！我叫Riley Lau，想請大家飲啖茶食個包！」幸福Kelly昨日開心笑說：「家有蝦餃仔，又有小龍包，一盅兩件。」
蝦餃仔雀躍睇冲凉
小 龍包是父母與哥哥的混合體，貌似爸爸劉建浩、下巴似大佬劉昇蝦餃仔，嘴仔就似媽咪，Kelly表示由於每天要餵人奶，親自幫小龍包冲凉，同時又要講故事給 蝦餃聽，十分忙碌，她說：「哥哥無時無刻都要聽故事，有時餵緊細佬飲奶，佢揸住本故事書行埋嚟，話：『媽咪講。』我咪一路餵奶一路講故事，細佬都聽到眼眨 眨。」 哥哥有沒有幫手換尿片？Kelly哈哈笑說：「哥哥得兩歲幾咋，仲未識湊細佬，不過佢已知做咗大佬，每晚瞓覺前都會拖住我一齊入BB房goodnight kiss細佬至肯去瞓，每日放學就會搵細佬say hello，我問佢睇唔睇細佬冲凉，佢就會衝入嚟睇。」 昨日Kelly接受商台訪問，表示暫未知兩兄弟性格有何不同，但肯定兩個仔都一樣大食，問到小龍包是否好湊？她說：「OK喎，都幾合作，一個月咋嘛，我諗 之後辛苦啲。」她又表示Riley收到很多禮物，多數是衫和鞋仔。 Kelly下月全面復工，但因為仍要餵人奶，暫不急於收身，她說：「餵人奶日日要又魚又肉又雞又茶又湯，餵人奶唔算辛苦，但有時等佢食，都會等到腰骨痛， 應該會餵兩個月左右，上次哥哥都係兩個月。」現在的體重離她平日的狀態尚肥5磅，如果距離做演唱會的狀態，就仍差10磅。 Kelly已有四年沒推出廣東碟，最近她翻唱了張國榮的歌曲《春夏秋冬》，坐完月便會開工錄新碟，希望今年可推出。早前Kelly未坐完月已帶蝦餃仔外 出，她強調當日是大仔第一次看演唱會，她不想錯過其第一次。有否打算再追女？她說：「暫時我同老公都唔想，唔好搞咁多嘢啦，啱啱至生完。」
千萬誘拍點心廣告
Kelly 的「一盅兩件」大受歡迎，兩年多前蝦餃仔出世已成為廣告商獵物，小龍包面世後，更令廣告商流口水，據知最近有廣告商以八位數字力斟Kelly的「一盅兩 件」拍點心廣告，不過Kelly的經理人公司發言人說：「Kelly推咗喇，兩個小朋友仲咁細，唔想佢哋咁辛苦，暫時佢未有打算一家三口拍廣告，一家四口 更加唔會拍。」 採訪：山葵、李珮洳

《昨日　小龍包滿月》
小龍包上月出世，他的廬山真面目就在昨日農曆彌月終於曝光！


《09年　香噴噴蝦餃》
劉昇於09年出世，因下巴似蝦餃，遂有蝦餃仔之花名。

Kelly擁着心愛的「一盅兩件」—大仔蝦餃仔（左）及細仔小龍包。

滿月紀念品

兩歲多的蝦餃仔，越來越有大佬風範。 

蝦餃仔做哥哥送飛吻


已榮升哥哥的陳慧琳（Kelly）長子蝦餃仔劉昇昨日如常到紅磡的名校幼稚園上學，蝦餃仔非常聽教聽話照足Kelly經理人鍾珍指示，向本報記者大派飛吻。
送禮給老師同學
昨 早11時許，鍾珍跟Kelly的菲籍傭工坐七人車，並帶同四大袋寫着小龍包的糕點到蝦餃仔就讀的幼稚園，約12時兩人就入到課室接放學。一如既往，蝦餃仔 由傭工抱住離開，全程雙腳不用踏地，書包就由鍾珍拿着。 鍾珍表示是替Kelly派發滿月的點心給幼稚園的同學仔及老師，鍾珍說：「Kelly因為仲要坐月坐多兩個月，所以唔能夠親身接蝦餃仔。」當記者問蝦餃仔 對做哥哥有甚麼感受時，他只是自顧自不停扮鬼臉和反眼。到臨離開入電梯，鍾珍叫蝦餃仔向記者哥哥們飛吻致意，他也非常聽話大派飛吻。 採訪、攝影：羅德光、黃曉程

榮升大哥的蝦餃仔昨日放學，向記者送飛吻。

鍾珍（右）和傭工對蝦餃仔無微不至，他一踏出校門就有人抱及代拿書包。