17歲集郵女Cammi（謝芷蕙），上周再次斷正半夜到訪陳冠希（Edison）淺水灣新竇，擺明掟煲唔掟蓋。 報道指Cammi餵飽對方四個鐘後，才獨自搭的士返歸。 新聞出街後，Edison繼續玩卸膊，更出聲明指有人博宣傳，外賣妹Cammi遭外間圍插，連有線《怪談》拍檔的梁思浩亦爆料指她做節目時又食又拎。 不過Cammi一於懶理，未成年的她因潮神女友之名，上周五（13日）北上清遠登台搵真銀，唱五首歌穩袋五萬。
17歲Cammi自從爆出搭上陳冠希後，雖然遭外間批評靠黐上位，但據知她自從榮升臣嫂後，在內地聲名大噪，更獲內地仲介人睇中，邀簽約一年八十場，跑勻內地各大小夜場歌舞娛賓，每唱一場即穩袋四萬多人仔（約五萬港幣），身價比二線姐仔登台更好執。
愈插愈搵錢
只 得17歲的Cammi，雖然負面形象深入民心，但愈多人插，愈引起內地觀眾好奇心。除了走埠登台外，近日獲中央電視台邀請，步周秀娜後塵將參與大型節目 《炫舞激情》，穿上性感舞衣大跳爵士舞。據其經理人Admond表示：「感情事係雙方嘅，係男人就唔會成日只推個女仔出嚟面對，不過Cammi嚟緊會去北 京比賽，仲要登台，咁忙都冇時間唔開心啦。雖然佢未夠18歲，不過最緊要有屋企人support。」 問到翻黐Edison一事，Cammi最初表現扭擰，隨後才說：「當知道佢要出聲明話冇咁嘅事嘅時候，係好無奈、有唔開心。嗰晚我真係去探朋友，（係咪 Edison？）邊個就唔講，不過個聲明係佢公司嘅人出，佢唔知㗎！（點解你咁清楚？）我唔講啦，唔想講多錯多。」
男觀眾摸pat
上 周五晚（13日），到陳冠希新竇送完「外賣」後首次現身的Cammi，在清遠夜場登台，自選〈香水有毒〉、〈痛愛〉等五首歌，擺明將她跟Edison的畸 戀擺上枱做綽頭。Cammi派相時，有男觀眾想借攞相為名，伸手對準她的胸部出擊。遭抽水的她即護實雙胸。有口痕友更台下大叫：「Edison摸過，我又 要摸。」由於一場人肉表演廿分鐘已穩袋四萬人仔，難怪Cammi任人抽水依然頂硬上。 對於登台被抽水，Cammi事後表示：「當時好驚，仲feel到俾人摸pat pat㖭，惟有盡量行埋台中。」
送Kitty錶做禮物
Edison 自去年底表面跟Cammi斷纜，不過據知兩人仍有聯絡。知情者透露：「上個月Cammi生日，Edison送咗隻Hello Kitty限量版手錶俾佢。雖然個男嘅擺明食散餐，但Cammi當正佢係true love。今次又俾人斷正，Edison鬧完Cammi放料又番佢。今次東亞發聲明，Edison話唔知情，Cammi都信到十足。」 登台當晚，Cammi手戴疑似Edison所送Kitty錶，她只含笑說：「唔講啦，總之係我鍾意嘅人送㗎啦。」 雖然Cammi犯賤翻黐食家唔抵幫，但話分兩頭，小妹妹黐實Edison即袋幾百萬，俾人鬧都抵。
翻黐有價
去年10月跟陳冠希的啜嘴照流出後，短短半年，Cammi即由籍籍無名的奀模搞到人人知佢大名，17歲女得陳生開路，半年已搵超過4百萬。 登台：80場X4萬（人仔）= 約400萬（港幣） 電視：有線《怪談》4集X8千= 3萬2千 商場活動：6個X8千= 4萬8千 408萬 （扣除經理人七成佣金，Cammi淨袋122.4萬） ####
靠黐密賺 只得17歲的Cammi得Edison帶挈而工作不斷。 baby，靠晒你！（設計對白）
又中計。（設計對白）
上周Cammi再次被斷正送外賣到希哥新竇，事後陳生指女方博宣傳。
生日收錶 登台當晚，Cammi手戴一隻價值三千多元的Hello Kitty特別版粉紅色手錶，據知是陳冠希所贈的生日禮物。
痴男胸襲 當晚，Cammi以一身粉紅公主造型北上清遠登台，有不少酒客場內稱呼她為冠希嫂，其間有一男觀眾借攞相片向她胸襲，嚇到Cammi彈起。
台上被摸 表演期間有人摸pat抽水，Cammi即不停扯正條裙及愈行愈離觀眾席。
Cammi 黐陳冠希形象負面，大部分人最愛打落水狗，早前卓韻芝在《三個女人一個墟》中，亦狂笑Cammi送外賣兼博宣傳。
梁思浩插Cammi靠黐有線化妝、set頭「送外賣」後，Cammi隨即去到邊都拿出私家Chanel化妝品示威，她更指對方無中生有。
沒有留言:
張貼留言