楊思琦與李泳豪這對過氣情侶，九年情於去年中由女方單方面宣布玩完後，兩人情路各有不同發展。
經過多月安胎，楊思琦於三月八日下午，終於微博上承認在美國洛杉磯以自然分娩方式，產下重六磅九安士的可愛女兒Krystal，又稱現在「總之未結婚」，但「男友」吳帥則一直失蹤無影，未婚媽媽要獨養B女。
舊愛李泳豪在分手後許下：「我願意照顧埋個B！」諾言，癡心形象大為受落，經過一年治情傷，泳豪亦已走出失戀陰霾，「Ready再拍拖」的他原來早就情陷三位索女，當中有港姐更有混血韓模，情路有新進展，再現甜蜜笑容。
上周四，楊思琦主動公布喜訊，化上淡妝的她，分享初為人母的喜悅。
童心未泯的思琦，搵米妮陪女兒瞓，還變成女兒笑說自己比「米奇（米妮）還要小」。
楊思琦親證產龍B
踏入龍年短短時日，楊思琦就榮升人母，二月中在美國洛杉磯的Methodist Hospital（美以美醫院）分娩，誕下六磅九安士女兒，由於未決定跟父親還是母親姓氏，中文名仍未改，目前只用英文名Krystal。上周四（八日），仍在坐月的思琦，忍了半個月終於對外公布喜訊，在微博親證順利誕下女兒，母女平安，又上載女兒的熟睡照，並大方接受訪問交代近況。
由於女兒提早出世，故不算很重，而且她想產後恢復快一點，決定自然分娩，沒有開刀，因此生產過程相當辛苦，談到那一刻，思琦感動得難以言喻：「睇戲 睇得多，親身體驗十級痛的滋味，生得好辛苦，完全感受到媽媽真的好偉大，那種感覺很奇妙，原來真的會哭出來，尤其是護士端着寶寶在我面前，BB真的好重 要，這確是媽媽的心情，一看她哭就擔心了。」還笑說將來要演生仔戲，印象太深刻，一定識演。
泳豪日前面對記者，再現甜蜜笑容，原來已有三位索女新歡。
黃瑩
Kitty
張秀文
去年楊思琦戀上前跳水健將吳帥，並珠胎暗結，避走美國待產做單親媽媽，在微博上載近況，但絕口不提吳帥半隻字。
Face 週刊 251期
感情缺失
楊思琦抱女 23號返港 李泳豪溝韓妹示威衰咗
楊思琦自去年 6月狠撇相戀 9年的李泳豪，為空心老倌吳帥未婚懷孕，最後狼狽飛往 L.A.避世待產。由大話妹變未婚媽媽， 33歲思琦妹終於夢醒飛起軟飯王，上週四（ 8日）在微博公告 B女 Krystal出世，更於今月底返港自力更生。
曾表示願意照顧思琦「大大細細」的豪仔，癡心形象贏盡民心；正當大家以為泳豪翻兜有望，點知校 啱時間話有 25歲中韓混血新歡 Miki出現，仲急轉口風話同思琦：「都過 咗去，冇得返轉頭。」
據知泳豪仍未能對負心舊愛釋懷，知悉思琦產女的他，主動放風力追僅相識數月的 Miki，實則借索女新歡「活得比你好」，搞到被拖落水 嘅 Miki即刻割蓆避見。
揀男友眼光麻麻的楊思琦，去年 10月被迫遠赴美國投靠兄長。至上月中，思琦妹在母親和兄嫂陪同下，誕下女兒 Krystal，但有傳經手人吳帥人間蒸發。
B女 Krystal
上月中，思琦在 L.A.順產誕下 6磅 9安士重嘅囡囡 Krystal，但父親吳帥未見影蹤，據知思琦仍未決定女兒的姓氏。
上週六（ 10日）思琦於微博放上 Krystal嘅相片，有網友指 B女生得似泳豪，泳豪父親李家鼎回應話：「家科技咁先進，可以驗 DNA㗎！」
思琦在兄長家附近嘅美以美醫院（ METHODIST HOSPITAL）分娩，屬當地五星級私家醫院，自然分娩一晚最低收費約 18,000元港幣。
「新歡」急閃
吳帥先後被踢爆住過劏房、公屋欠租、曾向跳水隊員及家長借錢唔還，連女友生產都消失無影，空殼終於爆煲。
被思琦妹狠撇的李泳豪，曾聲淚俱下地哭訴唔明點解被飛，如今舊愛在美國坐月湊女，校啱時間傳出他與細 8歲、曾任兼職模 嘅中韓混血新歡 Miki蜜運。日前泳豪出席活動時，直認數月前經朋友介紹而認識 Miki，更讚對方純品乖巧，但一時又話大家尚未開始，一時又話怕畀對方壓力，關係愈講愈迷離。
據知 Miki對泳豪的印象僅屬一般，突然被人擺上 枱，不但怕被捲入事非，更怕會遭網友起底而影響到文員正職，搞到 Miki除了即時刪除自己的微博，近日已減少回覆泳豪的電話同短訊，借意疏遠對方。
李泳豪： BB好得意！
F：《 FACE》 豪：李泳豪
F：思琦生咗喎？
豪：戥佢開心，都恭喜佢嘅！希望佢踏入另一個階段，所有嘢都好啦。
F：有冇睇過 BB張相？
豪： BB仔好得意，但睇唔清個樣（微博相）囉。
F：吳帥失蹤，你會唔會照顧思琦？
豪：真嘅咩？我真係唔知！我之前講嘅意思係話如果思琦有乜需要，我都會幫啫。
F：如果佢要求復合呢？
豪：家唔講呢啲嘢。
抱 B贈興
楊思琦公開 BB女樣，咁啱李泳豪又喺微博上載一張抱 B相，仲話：「睇吓 B女幾得意！」
豪仔中的 25歲中韓混血兒，從事文職，簡中做兼職模特兒，跟 BOYZ成員張致恆係好友， Miki本來用「傻妹妹」網名行走微博，但爆出跟李泳豪有關係後， Miki已經迅速將微博刪除，而張致恆則說：「係朋友介紹識佢嘅，但未聽過佢（ Miki）話拍拖喎！」
Miki
張致恆：未聽過！（真實對白）
鼎爺：冇見過個女仔！
一向好火嘅李家鼎，對於思琦妹終於生 B亦只說：「 BB仔隻耳幾似衰妹（思琦），係幾大幾靚嘅！」
F：有冇見過豪仔新女友 Miki？
鼎：我冇見過個女仔，都冇聽豪仔講過，我都係睇報道先知。
F：豪仔有女朋友高唔高興？
鼎：如果係真嘅話，都真係幾開心。我後生喺識施明之前，都有個韓國女朋友。
「處於了解階段」
借女過橋示威失敗，上週六（ 10日）泳豪出席活動回應話：「我 哋只係識 咗幾個月，家未穩定，處於了解緊 嘅階段。如果開始 咗，就一定會講。（你們家咩關係？）呀……溝通好緊要 嘅。（仲追緊對方？）點都好啦，唔想再講。」但問到日後再遇舊愛會否尷尬，他則話：「點解會尷尬 吖？……佢（思琦）係一個好大方、好叻 嘅女仔，唔會面左左避開我 嘅﹗」最怕係你未放開 啫！
賣唱賺奶粉錢
去年思琦因分手而形象插水，零工作嘅佢頻接內地騷，去年 7月更在深圳一夜總會獻唱時，被不少男觀眾借機抽水。《忽然 1周》圖片
思琦慘變單親媽咪，一坐完月即要趕返港搵奶粉錢。目前佢手上只有一項 4月舉行的活動，並未有監製接洽拍劇。據知思琦曾主動向 TVB要求多接大陸登台活動賺錢，由於佢始終為 TVB花旦，加上近期有話題，故每次登台仍可叫價 1.5萬至 3萬人仔。而問到思琦復出一事，無綫製作資源部總監樂易玲在電話中說：「我開緊會，遲啲先打畀你！」
採訪、撰文、攝影：娛樂組
沒有留言:
張貼留言