《忽然1周》877期 五月天激凸賀罰錢

Scroll Page | Stop Scrolling

Tweet

Pin it

Widgets








台灣天團五月天，同香港樂迷有個約定，每年五月都會嚟香港開演唱會，由於每次門票都被秒殺，今年開足六場，破咗佢哋演唱會嘅場數紀錄。周二（15日）尾場，五月天繼續唱到唔願走。之前晚晚唱過十二點，第一晚兩度安哥，唱至12點12分，罰款近十萬，之後每晚都唱到凌晨。

不過五月天有錢唔怕罰，阿信話：「管他呢？」鼓手冠佑搭嘴：「我還未唱爽咧!」阿信又不時整蠱歌迷，仲同歌迷講：「你們是瘋子，都不會累!」台上勁high嘅佢，不單由頭唱到尾，又搞笑話：「原來喺紅館當觀眾，感覺好爽啊!」
農夫high爆
五 月天開騷，唔少藝人去捧場，包括農夫、袁詠儀、張智霖、蘇永康同舒淇。農夫嘅陸永、C君全晚無坐低過，佢哋嘅叫聲拍得住旁邊嘅瘋狂女fans，又同大家一 齊拎起預先放在位上嘅紙，為現場製造彩虹效果，邊跟住唱邊跳動。當結他手石頭、怪獸同主音阿信先後喺佢哋前面表演時，C君不停用手機影相，陸永興奮大叫， 突然變咗小fans。 ####

阿信（中）跟成員要歌迷同佢哋一齊唱，瑪莎（左二）仲將支咪遞向觀眾， 大叫「安哥！安哥！」。

阿信喺第四場時，又玩歌迷，話歌迷叫聲唔夠大，仲匿喺燈箱後面表示聽唔到。

最多fans嘅阿信慌死觀眾唔夠刺激，仲要嚟個激凸大酬賓。

晚晚咁罰法，主辦單位一定好頭痛。

搏命影相

齊舉紙牌


舒淇睇完騷，仲走入後台同成員影相。